樂天大喜屋 (Closed)

未試過同媽咪食放題，趁今晚冇煮飯就帶佢黎旺角食依間樂天大喜屋，之前我都食過幾次，味道唔錯架😚😚一坐低緊係即刻網上落單先，跟住就出去自助區拎熟食同飲品，自助區有分熟食、水果、飲品同甜品等，款式幾多架🤩最值得一提既係佢地有清酒任飲，自問飲得既朋友仔，飲sake都可以飲到回本🤣Round 1當然係刺身同壽司🍣刺身必點甜蝦帶子，每隻甜蝦大隻之餘仲好新鮮🤤食到停唔到口，最欣賞佢地壽司size唔會太大舊，飯亦都唔多，一啖一件，食多幾件都唔會好快飽😙最正係芝士吉列炸蝦卷，外脆內軟，配埋芝士一流👍🏻另外都叫左唔少炸物同小食，當中蒜蓉粉絲蒸帶子味道唔錯，帶子大隻又鮮甜😋仲有牛油煮大蜆又香又鮮🤤重點推介榴槤炸彈，榴槤味十足，入面仲要係榴槤蓉tim，超正😍😍😍大喜屋放題真係一如以往咁抵食，埋單每人都唔洗三百蚊，兩粒鐘飲飽食醉，大滿足，唔怪得長期都咁多人等位😝