炙・宴 (V City)

Open Now

Now Closed

平時都冇乜留意呢間餐廳，今日難得見到都幾多人排隊，於是就睇吓個餐牌～發現都幾吸引，晚市套餐最平$66，包飲品、主食、味噌湯同埋一份蒛餅甜品。我就嗌咗個南蠻雞套餐，份量都非常之夠，大概有五件炸雞。炸雞都炸得外表脆之餘又唔會過分油膩，同時亦都有足夠嘅沙律醬汁用嚟點雞食。而本身個飯亦都撈咗啲燒汁，所以加埋食就好惹味，絕對唔會食到好寡。啲雞本身都幾Juicy唔會話太乾。味噌湯就正正常常而個蕨餅甜品就加分好煙靭好食，加埋黃豆粉覺得兩粒真係唔太夠喉！整體嚟講呢個價錢食到咁多嘢，又夠飽真係唔錯。