曼谷車站

Open Now

Now Closed

今日來一轉泰國之旅，去唔到泰國，食泰菜頂住先。😅店內座位寬敞，卡位坐五個人都重好舒服。一入坐，店員就自動派碗仔，餐具同水每枱都有，幾方便。泰式燒雞雞肉彈牙多汁，皮脆肉嫩，配埋個酸辣醬，味道一流。蝦醬炒飯賣相好靚，真正色香味俱全。飯粒粒粒分明又彈牙，蝦醬味濃，配埋肉鬆雞蛋食，口感十足。特別重有炸臘腸伴碟，重好好味，誠意之作。咖哩軟殻蟹咖哩味濃，但一d都唔辣，伴飯一流，我哋忍唔住叫白飯伴食。軟殻蟹鬆脆，配埋個咖哩汁係必食推介。泰式濕炒豬肉河一般，汁略嫌太稀，似湯，味道偏淡，河粉彈牙。蒜蓉炒翡翠苗蒜蓉味不夠濃，未能蓋過翡翠苖的清草味，菜有點老，整體尚可接受。椰汁珍多冰 椰汁味濃，用料足，飲品推介。