164
1
2
Level3
75
0
抵食活海鮮火鍋放題
2024-10-15 218 views
呢間係玩法都幾癲嘅邊爐🤣兩個半鐘頭任食，有齊燉湯、活海鮮、雞煲、刺身，仲要每一樣都做得幾好。嗰日book咗夜晚9:00 ，因為佢哋九點後入座有全單八五折，但都要等一陣先入到去，因為真係全場爆滿🤯一坐低就有得飲燉湯，第一啖已經覺得好驚艷，應該真係落足料熬咗好耐。之後店員問我哋揀咩雞煲，因為我唔係太食得辣，所以就揀咗花膠雞煲（另外仲可以揀韓式芝士雞煲、麻辣雞煲、酸辣雞煲）。花膠數量唔多，但係勝在大大塊，又有啲咬口。店員同我哋講話只要like其中一個Social Media嘅專頁，就可以免費有刺身盤，刺身盤都幾有誠意～壓軸出場就係主角超霸氣嘅海鮮拼盤！果然有成個海鮮魚缸嘅舖頭係唔同啲，啲鮑魚識郁，最鍾意食佢個蟶子王，超級無敵大隻，口感非常之軟嫩。如果個海鮮盤都滿足唔到你，仲可以無限encore 加單，所以如果你係海鮮控嘅話，呢間應該好滿足到你😚😚😚除咗海鮮之外，佢仲有另外50幾款配料，呢間鋪細心嘅位係你可以半份或者一份叫，唔使逐件逐件咁數，會比較容易控制自己個份量😙😙除咗海鮮之外，我嘅最愛就係將安格斯牛肉同埋牛胸爽一齊食，呢個配搭真係去到邊度都會係我心目中嘅冠軍🤣🤣🤣
Read full review
呢間係玩法都幾癲嘅邊爐🤣


兩個半鐘頭任食，有齊燉湯、活海鮮、雞煲、刺身，仲要每一樣都做得幾好。


嗰日book咗夜晚9:00 ，因為佢哋九點後入座有全單八五折，但都要等一陣先入到去，因為真係全場爆滿🤯


一坐低就有得飲燉湯，第一啖已經覺得好驚艷，應該真係落足料熬咗好耐。


之後店員問我哋揀咩雞煲，因為我唔係太食得辣，所以就揀咗花膠雞煲（另外仲可以揀韓式芝士雞煲、麻辣雞煲、酸辣雞煲）。花膠數量唔多，但係勝在大大塊，又有啲咬口。


店員同我哋講話只要like其中一個Social Media嘅專頁，就可以免費有刺身盤，刺身盤都幾有誠意～


壓軸出場就係主角超霸氣嘅海鮮拼盤！果然有成個海鮮魚缸嘅舖頭係唔同啲，啲鮑魚識郁，最鍾意食佢個蟶子王，超級無敵大隻，口感非常之軟嫩。如果個海鮮盤都滿足唔到你，仲可以無限encore 加單，所以如果你係海鮮控嘅話，呢間應該好滿足到你😚😚😚


除咗海鮮之外，佢仲有另外50幾款配料，呢間鋪細心嘅位係你可以半份或者一份叫，唔使逐件逐件咁數，會比較容易控制自己個份量😙😙除咗海鮮之外，我嘅最愛就係將安格斯牛肉同埋牛胸爽一齊食，呢個配搭真係去到邊度都會係我心目中嘅冠軍🤣🤣🤣

(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2024-10-03
Waiting Time
30 Minutes (Dine In)
Spending Per Head
$400 (Dinner)
Recommended Dishes
  • 霸王海鮮盤
  • 海鮮盤
  • 安格斯牛肉
  • 花膠雞煲