Video
Read full review
2019-05-19
128 views
今日同朋友來到位於旺角嘅新華苑，應該開張無耐啦，各方面都好新淨，而且仲未有好多人知，好舒服。其實上手都係做蒸氣鍋，我地都有食過，所以大約知道呢度裝修冇乜大改動。個場好大，有好多卡位，亦有大枱。我地兩個人坐卡位，夠哂闊落。佢地用呢種帽仔形式蒸鍋，重點係全程有店員招呼，幾乎唔洗自己動手，佢地好熟悉每種食材所需時間，會幫我地將近似時間嘅食材放埋一齊蒸，特別有效率呢度收費每位268蚊(星期一至四)，醬油前菜加20蚊，連埋加一大約3百零蚊，包每位人頭份量海鮮再加配料任食、粥底、飲品任飲，食足2.5小時，基本上好足夠海鮮可以自選4款，例如大元貝、象拔蚌、蠔、貴妃蚌、鮑魚、蝦等等。仲會跟埋脆皮乳鴿同貝殼拼盤。至於粥底可以3揀1，包括南瓜排骨、瑤柱淮山、淮山雞粥。脆皮燒乳鴿都好唔錯，好香脆。店員先幫我地加粥底，都幾足料。我地揀左生猛海蝦、鮑魚、大元貝同蟶子皇，除左蝦之外，每款一隻，基本上全部都好新鮮元貝加左粉絲、蟲草花蒸，好入味，而且入口夠爽，時間剛剛好。仲有鮑魚，手左方便食，已經起殼，好鬼爽口。蟶子夠大隻，加上蒜粒、蔥等蒸，其實海鮮夠新鮮一定無得輸。貝殼拼盤係定食，夠大隻，肉飽滿，而且幾鮮甜，乾淨無
呢度收費每位268蚊(星期一至四)，醬油前菜加20蚊，連埋加一大約3百零蚊，包每位人頭份量海鮮再加配料任食、粥底、飲品任飲，食足2.5小時，基本上好足夠海鮮可以自選4款，例如大元貝、象拔蚌、蠔、貴妃蚌、鮑魚、蝦等等。仲會跟埋脆皮乳鴿同貝殼拼盤。至於粥底可以3揀1，包括南瓜排骨、瑤柱淮山、淮山雞粥。
脆皮燒乳鴿都好唔錯，好香脆。
店員先幫我地加粥底，都幾足料。
我地揀左生猛海蝦、鮑魚、大元貝同蟶子皇，除左蝦之外，每款一隻，基本上全部都好新鮮
元貝加左粉絲、蟲草花蒸，好入味，而且入口夠爽，時間剛剛好。
仲有鮑魚，手左方便食，已經起殼，好鬼爽口。
蟶子夠大隻，加上蒜粒、蔥等蒸，其實海鮮夠新鮮一定無得輸。
貝殼拼盤係定食，夠大隻，肉飽滿，而且幾鮮甜，乾淨無沙。
食完海鮮可以自選配料，份量跟到足，可以先試左味道，啱食先慢慢加單。配料有超過20款，例如蟲草花蒸雞、手切和牛粒、和牛肉、鮮蝦丸、鮮牛丸、韭菜餃、蔬菜、甜點例如馬拉糕、紅棗糕同蜂巢糕。個人認為蒸雞幾好食，幾好肉地同滑溜！
丸類都ok，夠彈牙，而且係手打，唔會好粉，值得試
和牛粒同和牛肉都唔差，話哂都係任食！
蒸蔬菜特別清甜。
蒸埋件糕，好煙韌！
最後食埋粥底，真係飽到上心口，雖然唔係好鮮味果種，勝在夠綿，仲有蔬菜甜味，一人食完兩大碗都有淨。
飲品都好多選擇，除左一般汽水，仲可以有啤酒都係任飲，同竹蔗水都係呢，夠大方。如果鐘意飲酒、食海鮮，值回票價。
Post
