潮館 (元朗廣場)

Open Now

Now Closed

稻香集團旗下嘅潮館不嬲都幾抵食，食品質素都唔錯，今晚又去睇吓有乜嘢新菜式。餐牌介紹黃金炸蝦球同粟子炆雞，就每樣叫一碟。再加碟滷水鵝同蠔仔肉碎粥，兩個人食都幾夠飽。炸蝦球用鮮蝦切碎同搓球，再落鑊炸到金黃色，出嚟時仲香噴噴。粟子炆雞就好足料，粟子好冧，雞炆得好香，不過累嫌獻汁重手咗少少。滷水鵝片好入味，就算下面墊碟嘅豆腐都好滑。蠔仔粥話就話係一碗，不過閒閒哋可以分6小碗，蠔仔份量唔小，粥底普通。不過咁嘅價錢有呢個質素都唔錯。