漁一海鮮火鍋料理 (Moved) New Location

今日同朋友放學之後去左尖沙咀行街買夏季衫，行完k11之後覺得有啲攰又有啲餓就睇下附近有咩食。朋友推薦附近有間新開嘅火鍋好抵食，網上bk位仲有最高65折！我地即刻bk位行多陣再上去食。秘製麻辣鍋。餐廳係食海鮮為主，但男朋友最近唔太好海鮮，所以我地就叫左麻辣鍋。湯底面好似好紅，但滾起左就會見到下面啲湯。湯底入口小辣小麻，就算唔太食辣嘅人都可以叫。嫩鴨血。鴨血係食辣野必叫嘅菜，佢嘅鴨血有台灣鴨血嘅feel，一份有6塊仲好厚蘿蔔。蘿蔔係我最愛嘅蔬菜之一，啲到嘅蘿蔔無根易入口，吸埋辣湯底嘅精華仲好味。美國桶蠔。桶蠔有6隻，隻隻都手掌咁大隻阿！入口肉質肥美，好滑身完全無腥味。脆鯇骨片。脆鯇係每次邊爐都必叫嘅菜！上檯都算大份，師傅都切得好大塊，但淥完之後會縮左水得返3分1。脆鯇片好爽口，爽得黎又唔會好乾，食到好香嘅魚油香，好好味。