Video
Read full review
2019-05-15
82 views
今日去左旺角行街~假期一到又想食得豐富D，老公無啦啦話想打邊爐，心諗咁熱打咩邊爐?不過佢想去就陪佢去下啦~本身諗住求其去酒樓果d任食火鍋，但行行下見到棟大廈有好多餐廳，見到呢間餐廳有任食火鍋，特別之處係用木桶做器皿，上openrice碌一碌見好似唔錯於是就拿拿聲上去試下!一上到去店員帶我地埋位，即刻預備d醬油同前菜俾我地，同我地解釋下唔同既餐同點樣落單~呢度唔同既餐已經包左好多款食物，要追加食物同點飲品就用ipad落單~海鮮套餐有龍蝦又有蠔，見門口寫8點前離座仲有75折，計一計又幾抵食於是就叫左個海鮮套餐啦，湯底就叫左胡椒豬肚湯!落左單店員就拎住裝住胡椒豬肚湯既木桶擺係爐上~個木桶真係好搞笑，好似做蒸身果d木桶咁~用佢黎打邊爐真係第一次!店員擺低個桶之後就解釋下個木桶既原理，仲教我地要飲啖湯先~佢一講我先為意到原來木桶入面有d小洞，一滾d湯就會係d 小洞度流出黎，店員話咁就可以過濾到d雜質同去左d油~我一試個湯~好香濃一d都唔油!一般火鍋湯底都會偏咸但呢個胡椒豬肚湯真係可以獨立當湯黎飲~胡椒味濃唔過辣，好正!係我地飲緊個湯既時候店員就將食物陸續上檯，個海鮮船一上檯我地真係嘩一聲~好大盤
一上到去店員帶我地埋位，即刻預備d醬油同前菜俾我地，同我地解釋下唔同既餐同點樣落單~呢度唔同既餐已經包左好多款食物，要追加食物同點飲品就用ipad落單~海鮮套餐有龍蝦又有蠔，見門口寫8點前離座仲有75折，計一計又幾抵食於是就叫左個海鮮套餐啦，湯底就叫左胡椒豬肚湯!
落左單店員就拎住裝住胡椒豬肚湯既木桶擺係爐上~個木桶真係好搞笑，好似做蒸身果d木桶咁~用佢黎打邊爐真係第一次!店員擺低個桶之後就解釋下個木桶既原理，仲教我地要飲啖湯先~佢一講我先為意到原來木桶入面有d小洞，一滾d湯就會係d 小洞度流出黎，店員話咁就可以過濾到d雜質同去左d油~我一試個湯~好香濃一d都唔油!一般火鍋湯底都會偏咸但呢個胡椒豬肚湯真係可以獨立當湯黎飲~胡椒味濃唔過辣，好正!
係我地飲緊個湯既時候店員就將食物陸續上檯，個海鮮船一上檯我地真係嘩一聲~好大盤，D海鮮仲要好似刺身咁新鮮!急不及待淥黎試下，龍蝦肉好爽口彈牙!蠔又夠大隻啖啖肉!D蜆仲好有鮮味!太驚喜!
之後再試下d丸類同其他食物，一睇就知係手打既丸，唔係出面叫貨既材料。口味仲好特別，有黑松露同芝士丸!估唔到既係除左丸類之外，原來就連d餃、炸魚皮、墨魚膠釀油炸鬼都係全部自家製!甚至連響鈴都係自己卷既!我地係度研究緊點解D炸魚皮可以咁大塊咁完整果陣店員咁岩聽到走黎同我地講的~全部都係自己手作功夫，唔怪得食落既味道咁唔同!仲有d牛肉,一睇就知係靚牛!成本應該幾貴,食落好有牛味一d雪味都冇,又冇筋又唔韌!我平時唔係好食牛既都食左好多!
超大塊炸魚皮!
7 views
0 likes
0 comments
手切安格斯牛
9 views
0 likes
0 comments
食哂個套餐入面既野之後我地仲追加左D野食，要講最驚喜係你估唔到既午餐肉!因為正當我諗住淥一淥佢既時候見到佢既顏色咁金黃既?咬一啖，係熱辣辣新鮮煎起架!因為太香口既關係我地完全冇擺落個鍋度，一人幾舊1分鐘KO哂~
熱辣辣午餐肉
10 views
0 likes
0 comments
最後幫D飲品影張相留念~呢度既飲品除左汽水同茶之外，所有酒類都係任飲!老公叫左罐啤酒，一黎到我見到個罐咁少女粉紅色咁就試一啖~本身以為係甜甜既口感，點知原來係真正好濃既啤酒!老公話比平時既罐裝啤酒仲濃味，係咁讚不絕口!食飽飽諗住埋單店員仲奉上兩個用好得意既樽仔裝住既甜品俾我地!!最後食左2個鐘飽到上心口~今餐完全覺得超級驚喜加物超所值!
可愛樽仔甜品
15 views
0 likes
0 comments
走果陣立下眼望到有間房仔，8卦行過去望下，店員話房仔可以坐12至14個人，入面有電視仲有得掟標!即刻whatsapp住俾d fd約下次成班黎食!
海鮮拼盤
14 views
0 likes
0 comments
Post
