豪宴海鮮酒家 (Closed)

片皮鴨一食$48，二食$78，價錢都幾吸引。預早幾日訂位晚飯時，已預訂一隻片皮鴨，否則遲左黎就未必食到。經商量後，我地二食要左涼瓜炆鴨件，叫左我鍾意食嘅香橙焗肉排，菜蔬類一定唔少得，我地就揀左海皇雜菜煲，四個人夠哂食喇。大約十分鐘，第一味黎就係香橙焗肉排，賣相都幾好，肉質唔Un，好味道。我再叫左兩碗白飯，跟住海皇雜菜煲上枱，賣相一般，味道OK，有蝦有帶子(雖然唔多)有粉絲有菇類配菜心白菜西蘭花，以88元嘅價錢，合格之上。接住就到片皮鴨出場，麽麽皮不會太薄易爛，值得一讚！片皮鴨都有成十幾廿件，件件肥美，配上海鮮醬夾住黎食，相當惹味！48元，值得推介最後一味，就係涼瓜炆鴨件，由於這個餸黎得太遲，我已經食飽左，再食唔落了，但見阿爸猛挾涼瓜黎食，味道應該OK嘅。由於不想浪費食物，最後把吃剩的涼瓜鴨件打包回家，但就要收2蚊膠盒膠袋費，而家好多酒樓同食肆都已經無收這個費用，佢地真係要檢討吓囉！