6 DEE米線屋

Open Now

Now Closed

同朋友去咗深水埗行街，諗住食碗米線醫下肚咁啱經過見到行去睇下餐牌，28蚊一個米線底另加餸，抵食啵！咁就決定試下佢啦！鋪頭乾淨企理，光線充足，環境幾好我食豬潤，腩肉巴蜀酸辣湯米線，加酸爽米湯底幾好食，但佢嘅中辣就比較溫和，我覺得只係屬於譚仔小辣咁上下，加酸對我黎講啱啱好，但係佢嘅爽米就有啲煮唔透，中間仲有啲硬硬地生生地嘅感覺，佢嘅豬潤好食，係爽口果隻，唔係煮到粉粉咁，腩肉就係普通白肉，冇乜特別，餸嘅份量就相對比較少朋友食花雕醉雞米線，我聞到都好香，朋友都話好食，同埋雞嘅份量都幾多，不過朋友就話略嫌米線太淋我要爽米又有啲生，普通米線又太淋，我諗依度店家要再控制一下！