吉野家 (Closed)

今日去裝修完新開翻既吉搵食，去到真係嚇死人呀，排長龍到去門口，真係激死人，我都係想係尖沙咀區食餐晏仔姐，香港人搵食真係艱難喇！日日去到邊都咁多自由行，唉…… 叫曬救命！！裝修後並沒有又加價，而且環境變得新淨，坐得亦舒服好多，仲有韓歌播放，平時真係無留意有，還發現餐牌更換上了電子menu，當堂靚仔曬！員工不足，所以速度好慢，雖然大把位坐！排左有成四十人，終於都到我喇！叫左例牌既牛肉丼加牛肉汁配凍奶茶！牛肉依舊抵食夾好味，但份量已經細左不少！飯是沿用珍珠米，索左牛肉汁，撈飯好唔錯！奶茶係茶味較重，但奶茶比例得宜，甜度亦適中，加上夠曬凍，十分解渴！