龍泉冰廳

Open Now

Now Closed

早幾日係銅鑼灣行完街，嚟個快閃晚餐😉蘭芳道嘅龍泉冰廳，選擇多，雖然有時都要排隊，但入座都算快，呢日好快就有位☺️小菜80蚊左右包白飯同例湯，好抵，我哋嗌左3款一齊食🥢🔅霸王雞雞肉好嫩滑，皮爽肉厚好有雞味，夾上少少葱絲配上秘製醬汁，真係大推薦🙌🏻🔅咕嚕魚柳平時多數食咕嚕肉，咕嚕魚柳第一次試，份量好多，外脆內嫩，酸酸甜甜好開胃😋🔅燒汁雜菌茄子炒牛柳粒惹味嘅一道送，牛柳粒軟腍唔會有筋，茄子雜菌吸曬醬汁，送飯一流👍🏻🔅咖啡紅豆冰好耐冇飲過紅豆冰，試下咖啡紅豆冰，紅豆大粒又飽滿，咬開好綿，唔會好甜幾好飲。🔅特濃忌廉朱古力好邪惡，雙重朱古力加埋忌廉，好正。