醉辣鮮 (新田購物城) (Moved) New Location

今次嚟到新田嘅餐廳，最近好興嘅蒸氣海鮮。最平個餐$198，有鮑魚有貝類蔬菜任食，覺得都幾抵。鮑魚、蝦、扇貝同蟶子都好好食！又新鮮又甜，跟住店家建議嘅時間蒸，啱啱熟！perfect其餘就一般，蠔同青口有啲腥，蜆就有沙。蔬菜類都好高質，粟米勁甜，冬菇勁香，可能蒸呢種煮法真係令大家品嘗到食物原味，所有味道都好出。店家送左個蒸雞比我哋，調味比起其他清蒸海鮮蔬菜強好多，同埋好特別，似用味增調味，好食。最後嘅精華粥，我哋太早𢳂起，粥未煮透，建議大家比佢蒸耐啲先食整體感覺都唔錯，最欣賞佢無限時間，坐到想走為止，不過餐廳位置比較偏僻，太夜走可能要call的士。