金記冰室 (八號花園) (Closed)

屋企一冇飯開都會一家人出外吃飯，今晚都唔例外去咗金記冰室享用晚膳 ，除了基本餐牌外都會有特別推介美食。今期就有幾款提供點了川味回鍋肉炒烏冬品嚐一下。飲杯特飲桂圓紅棗桃膠茶可以滋潤喉嚨。美食當然唔止一款咁簡單，先來係川味回鍋肉炒烏冬鑊氣十足，入口烏冬味道帶點香辣，再食件半肥瘦豚肉片又幾惹味。另一款係人氣鐵板套餐嘅美式雜扒，有牛扒、豬扒、雞扒、腸仔同煙肉配薯菜賣相十足。即時淋上黑椒汁一陣陣香味撲鼻，雜扒每塊大大件切開大家一齊食，牛扒肉質夠嫩滑，豬扒豐厚又多汁，雞扒煎得香脆內軟，連配菜一邊食特別滋味。接住有鮮茄濃汁焗豬扒飯，面層蓋滿濃郁芝士鮮茄汁配埋炒飯底，入口酸酸甜甜夠晒開胃，再食件軟滑豬扒口感飽滿。最後有法蘭西多士沾上煉奶，食落夠晒邪惡又美味，眨眼又享受完一餐冰室美食。