順。越南牛肉粉

Open Now

Now Closed

其實真係好感激中環街市有呢個food court，可以好方便咁樣放工就食到啲抵食嘅越南餐，講真呢度真係坐得好舒服，同埋不論係店員定係清潔姐姐佢哋嘅態度都好好，加上呢度出餐嘅時間好快，食物質素亦都好高，所以永遠都話呢度係我喺中環食越南菜嘅第一選擇！今晚叫咗幾樣嘢：番茄蟹膏蟹肉蝦丸扎肉湯檬有好濃郁嘅蕃茄湯底，亦有海鮮嘅鮮甜味，呢個湯檬我覺得真心好出色，水準喺好多出面嘅越南餐廳都食唔到。順.生牛肉牛丸湯河啲牛肉真係有生牛肉，唔似出邊嗰啲咁樣，上到枱已經變晒熟牛肉，而且個河粉口感都好好，湯底飲咗都唔會口渴。順化香茅豬扒炸得好酥脆，入面亦都保持到好juicy，少少甜味，好正！