Video
Read full review
2023-04-30
121 views
今日黎到位於旺角嘅十八樓雞煲火鍋專門店，其實幾年前應該都有食過，不過印象唔算好深刻，但今次食完覺得進步左好多，食物種類同環境都好左好多，而且仲超級抵食！首先一去可以揀雞嘅辣度，今次揀咗中辣，但都唔算非常辣，食得辣嘅朋友仔可以再叫辣d。一上到黎就聞到好香，我哋兩個人食，應該係半隻雞，但係都冇好細心睇，因為一上到嚟已經好肚餓係咁食🤣雞肉香口嫩滑，夠晒入味，所以好易一啖接一啖。跟住就可以開始打邊爐，呢度直接用手機落單，食物嘅種類都好多，就算我哋揀最平嘅餐都有齊牛肉豬肉羊肉海鮮，佢嘅蝦同埋蜆都好新鮮！另外仲有唔少嘅台灣小食，例如小香腸同麻辣鴨血，喺打邊爐嘅同時都可以「掃下街」🤣嘢飲方面都有唔少選擇，有自家製嘅冷泡茶可以消下熱氣，最後仲可以自己唧雪糕食，正呀！👍🏻👍🏻
首先一去可以揀雞嘅辣度，今次揀咗中辣，但都唔算非常辣，食得辣嘅朋友仔可以再叫辣d。一上到黎就聞到好香，我哋兩個人食，應該係半隻雞，但係都冇好細心睇，因為一上到嚟已經好肚餓係咁食🤣雞肉香口嫩滑，夠晒入味，所以好易一啖接一啖。
跟住就可以開始打邊爐，呢度直接用手機落單，食物嘅種類都好多，就算我哋揀最平嘅餐都有齊牛肉豬肉羊肉海鮮，佢嘅蝦同埋蜆都好新鮮！另外仲有唔少嘅台灣小食，例如小香腸同麻辣鴨血，喺打邊爐嘅同時都可以「掃下街」🤣嘢飲方面都有唔少選擇，有自家製嘅冷泡茶可以消下熱氣，最後仲可以自己唧雪糕食，正呀！👍🏻👍🏻
Post
