Video
Read full review
2023-10-26
359 views
平時食韓燒/韓國菜都係去啲餐廳一份份咁叫，無咩食過韓式放題，同朋友到餐廳時已經20:00，但門口仲有幾堆人等緊入座。好在好快已經有位，我地揀左大君御膳set, 轉個侍應姐姐就極速拎左個大君御膳set既專屬menu同埋配菜俾我地。好得意你可以喺塊膠牌上面寫番個食物no.同數量，寫完之後啲食物又係極速送到。去睇下啲野飲，原來燒酒都係任飲，比起出面既韓式餐廳呢度真係好抵~個人推介以下幾款食物- LA牛排、辣調味雞腿肉、調味雞翼同豬五花腩。另外個涼拌海青菜都好好食，而且呢個出面好少有得食。不過除左燒肉，最開心係有堆熟食，我勁鍾意個炒年糕，海帶湯同辣海鮮豆腐湯都好好味。雖然韓國人食烤肉最後會食水冷麵，但我會食辛辣麵，食完碗辛辣麵就覺得好完滿。另外本身唔知有雪條，但見到有人食，最近搵左輪先見到原來喺cashier隔離有個雪櫃，入面有幾款雪條。就算飽到上頸都要隊番支蜜瓜味雪條。呂呢一晚真係勁滿足!!!
去睇下啲野飲，原來燒酒都係任飲，比起出面既韓式餐廳呢度真係好抵~
個人推介以下幾款食物- LA牛排、辣調味雞腿肉、調味雞翼同豬五花腩。另外個涼拌海青菜都好好食，而且呢個出面好少有得食。不過除左燒肉，最開心係有堆熟食，我勁鍾意個炒年糕，海帶湯同辣海鮮豆腐湯都好好味。
雖然韓國人食烤肉最後會食水冷麵，但我會食辛辣麵，食完碗辛辣麵就覺得好完滿。
另外本身唔知有雪條，但見到有人食，最近搵左輪先見到原來喺cashier隔離有個雪櫃，入面有幾款雪條。就算飽到上頸都要隊番支蜜瓜味雪條。呂呢一晚真係勁滿足!!!
Other Info. :
我都好鍾意餐廳既裝修，牆上都係畫左好多人一齊韓燒既畫，一入到去已經有想同一大班朋友食野吹水既感覺~
(The above review is the personal opinion of a user which does not represent OpenRice's point of view.)
Post
