樓下冰室 (Closed)

平時做野食開啲好難食既飯盒，今日難得放假，好想瘋狂食好西撐爆個肚！今日同朋友黎左呢間樓下冰室，平日見佢都排晒長龍，一於就係呢到食盡佢睇menu樣樣都想食，一不小心就叫到成枱都係野食，無位擺啦！紅豆奶茶、紅綠豆冰，啲豆夠蓉，食落口唔會好硬一粒粒，抵讚吉豬配蛋治，估唔到蛋治咁大隻蛋，仲記得細細個同媽咪去茶記食蛋治，見到包見唔到蛋，媽咪即刻鬧鬼間餐廳吉豬卜卜脆，配埋沙律醬，人間美味豬仔包，同樣大大份，入面仲加左芝士同太陽蛋，好足料！炸雞粒，調味得好足，入面雞肉鮮嫩多汁，一啲都唔乾唔硬，整得好好芝士焗西蘭花，比我想象中軟身，岩晒我口味！招牌瑞士雞脾，大大隻，同朋友一人一隻基本啦，個瑞士汁真係無得彈，黎呢到必食！肉燥雞扒飯，上面仲加左肉鬆，正呀肉燥夠晒味，加埋啲肉燥汁送飯一流！