陸陸雞煲火鍋 (Closed)

陸陸雞煲其實不知不覺已經開咗六年咁耐， 鋪頭位置輾轉去左旺角波鞋街嗰邊，更為方便。而家6週年仲推出咗個陸陸雞煲火鍋海鮮套餐，除咗有雞煲食之外，仲有海鮮火鍋拼盤，同埋七至十款肉類蔬菜，都咪話唔抵食。一開始先嚟雞煲，呢度嘅雞煲都係分咗bb辣，小辣中辣，大辣。因為我哋唔食得辣，所以揀咗bb辣。點知最後先發現原來小辣以上先至有麻辣香。 雞煲係幾好食，雞肉好嫩好滑，而且辣得嚟夠香夠曬惹未， 滲晒芫茜辣椒香味，半隻啱曬兩個人過下口隱。之後就係龍蝦湯嘅火鍋，當然真係有一隻大龍蝦啦。龍蝦都算大隻，啖啖肉，煲左既龍蝦肉質有少少諧口，但仍不失鮮味。龍蝦湯底好濃，越煲湯底越入味。海鮮包括咗鮑魚，帶子，貴妃蚌，廣島蠔，聖子，蜆，海蝦同生魚片， 都咪話唔豐富。而且全部食材都好新鮮，尤其係廣島蠔同海蝦，鮮甜味美。肉類亦包括咗貴價食材。有頂級牛肩胛片， 呢個部位最有咬口亦最充滿咗牛肉味。 豬肉片反而較嫩， 入口軟腍而帶口感。 除此之外，仲有手打蝦丸，墨魚丸，豬肉丸。 蝦丸同墨魚丸爽口彈牙，值得一試。而魚皮餃，雲吞，水餃，白菜餃，韓式泡菜餃拼盤，賣相好靚，而且各有特色。特別係韓式泡菜餃， 呢個配搭新穎特別，味道都唔錯