新記越式牛肉粉 (Moved) New Location

今個星期日，試下新餐廳～長沙灣一帶餐廳多數都經濟實惠，今日一於試新記。街坊餐廳除左抵食大份，樓面手腳快唔快，醒唔醒，態度各樣都係幾緊要架（我覺得）。今次係外賣既，所以講唔到食物住。本人認為樓面馬尾呀姐由落單至交貨速度以及準繩度同埋禮貌都係100分架下。最驚係食平野就老奉要受氣，呢間野個馬尾呀姐態度100分，唔怪得都多熟客。好，入正題。叫左一個火車頭湯河，雞扒撈檬，加碟上湯菜心。火車頭湯河：呀姐有建議分湯上，所以個湯底係另一個碗。仲另上左金不換同其他配料，係另一個袋。單睇呢碗河既料都幾足，食落係好食～但買外賣如果住得遠就建議唔好叫有生牛肉既，驚個湯凍左淥唔熟啲肉。雞扒撈檬：同返差唔多價位既連鎖越南餐廳比，呢間無論份量定味道都吊打。檬汁夠濃味唔係溝水果啲，雞扒好嫩滑。唔係直接掉去炸果種，真材實料。唯獨個白蘿蔔咸左些少。菜心正常貨仔，甜+無渣。合格又一抵食之作，下次再來。