北角四眼妹美食屋 (Closed)

今日去開北角整電腦，等緊師傅期間係附近周圍逛，見到這間小店就試一試。我點左一份推介的四眼妹酸辣粉試下，食落就唔覺得好酸，主要係個辣味比較重，不過啲辣汁係沉左係底的，所以我食頭幾啖好似冇味咁，之後先發覺啲辣汁係底，撈起啲粉來食先好食返。我個人覺得如果你的期望係係凍的天氣食到辣粉暖胃，這碗酸辣粉可以滿足到你的要求，但要好有特色就談不上。不過小店主打的係雞蛋仔同格仔餅，有見及此，我點左一客朱古力雞蛋仔，係熱身的，食落外脆內軟，朱古力味淡淡地，食完唔會因爲太甜而喉嚨好乾，個人都幾喜歡食。