村爺爺龍蝦湯.泡飯.燉湯專家

Open Now

Now Closed

每次夜晚經過村爺爺，都大排長龍。而且佢地唔做外賣，只可以堂食。難得今日晏晝冇人排隊，唔使講梗係衝入去食啦！花膠螺片雞煲翅套餐有飯又有菜，連埋凍飲套餐都係$88，一個人食完全足夠。個湯成個煲咁上，可以keep住個湯熱辣辣。成個雞煲翅分量十足，入邊有半隻雞，煮到啲肉好柔軟，但係又唔會好似湯渣咁乾爭爭，就連雞胸位都好嫩滑唔鞋。湯底好香濃雞味，味道鮮甜，飲得出真材實料。厚身花膠、螺片好彈牙，螺片好鮮，不過花膠就冇咩味，至於翅就正正常常，份量唔多唔少。唯一不足係原隻半個雞上，無幫你斬件，第一次食真係有啲狼狽。呢個價錢又有雞又有翅又有花膠，啱哂女士養顏！