GUM "JENG!" X 御前上茶 (Closed)

近排香港好似幾流行榴槤雪糕，首先係大型快餐店，近日就到呢間抹茶店，佢有多間分店，但就得旺角同馬鞍山分店有榴槤雪糕供應。呢度主打抹茶同培茶雪糕，出榴槤味始終覺得有點怪，但始終都係想嚟試下。榴槤味喺呢日暫時只有普通軟雪糕供應，即係最簡單嘅筒裝或杯裝，唔同抹茶味就有芭菲杯等等嘅選擇。選擇外賣，可能臨近晚飯時間，加上呢日嘅其他分店仲做緊買一送一嘅優惠（呢間除外），全店只有另一位都係叫外賣雪糕嘅客人，畀錢後店員好快就拎雪糕出嚟畀我。一到手，看得出同佢嘅抹茶同培茶雪糕有啲分別，就係呢個榴槤版比較浠，食落好快溶。講到味道呢，如果好鐘意食榴槤嘅會覺得好唔夠榴槤味，如果只係想試小小榴槤嘅就會覺得還好，我自己就係前者喇，所以都係鐘意番食佢嘅抹茶雪糕多啲，唯一係好彩佢唔會有好重牛奶味而有蓋過咗榴槤味。