團日式拉麵 (Closed)

終於試左這間由幾位80後開設兼親自落場打理的拉麵小店，網上早已睇過相關既介紹，最印象深刻都嗰部自助購票機，可以還原返我前年去東京時既體驗，香港這部操作亦非常容易，一次選好想點既款式然後入現金就完成，過程都算相當順暢。我同朋友選左魚介拉麵同櫻花蝦拉麵，豬骨湯底很出色，味道非常濃厚，而且兩款湯底既柴魚同蝦味各自亦都好突出，係可以連湯都飲埋既水準麵身我選左直麵，軟硬度適中，份量亦不少，豚肉帶有焦香，應該係切完片後再用火槍燒過，溏心蛋狀態完美，蛋味濃郁，而且配料份量很足，飲品方面選擇亦多，基本上日式梳打絕對唔會令人失望，整體嚟講非常有驚喜，絕對值得推介。