星滙演 (Under Renovation)

尖東新開海景西日餐廳酒廊🎉海景西餐廳×懷舊歌廊 x 電競酒吧全層大集合!新開張無耐，友人相約傾計，介紹左個好地方🎉餐廳中庭有個大型舞台，正等侍表演放寬程序，迎接歌手表演者復工有個開放空間大展歌喉。場內可容納大量歌迷享受現場音樂表演👍整體氣氛有如置身於懷舊歌廊，海景相伴，還有巨型LED天幕，令整個場有浪漫醉人氣氛。食物以西餐廳客路為主，當中包括數款亞洲口味可以選擇。有set lunch 及 set dinner 簡單經濟，最後經店員介紹order 左三款菜及兩杯調酒師嘅獨特傑作。日本帶子刺身推介:⭐️⭐️⭐️⭐️⭐️作為前菜值得一試，薄切入口鮮嫩有質感，賣相吸引，酸甜開胃。36小時慢煮牛小排推介:⭐️⭐️⭐️⭐️呢個牛小排無得輸👏 高質牛肉香味滿足感，慢煮嘅誠意以及醬汁嘅入味完美呈現，如果意大利飯混煮嘅生熟度能夠再平均點就完美。 龍蝦汁海鮮扁意粉推介:⭐️⭐️⭐️⭐️豐富材料有齊藍青口、魷魚圈、大蝦及帶子粒等，調味未算係好濃嘅龍蝦汁味，但扁意粉軟熟到理想，唯一係意粉生熟度要留意一下，仍有一兩條較為硬身，整體唔錯。除左有180度海景及日後live band音樂用餐，連舖的@esportbarhk 電競酒吧亦係重點。