棋子燒鵝 (平田商場)

Open Now

Now Closed

今日幫朋友攞啲嘢嚟藍田，搞掂就過嚟平田商場食晏。心血來潮想食燒味，朋友推介 2 樓嗰間「棋子燒鵝」。餐廳專營港式燒味，而家喺九龍區有 6 間分店，每間店都自設工場，燒味食品全部都係現場製作，保證新鮮！我哋點咗👇原隻燒鵝髀瀨 ($106)，燒鵝髀好靚仔，大大隻，立立令，離遠都已經聞到陣陣香味，非常吸引。鵝皮酥香脆口，鵝肉鹹香適中，肉嫩而不乾身，有肉汁和香料氣息，配酸梅醬同滑溜的瀨粉吃，風味十足。另外碟燒腩仔油雞飯 ($53)  賣相亦非常誘人，腩仔皮脆肉嫩，肉質鬆軟，入口完全沒有豬羶味；油雞滑捋捋，豉油味香而不膩，味道恰好，送飯一流！ 棋子叉燒 ($88/例牌)  叉燒半肥瘦，厚度適中，肉質鬆化，入口帶點焦香，鹹甜比例亦啱啱好，就算放耐咗肉質都唔會變硬，值得推薦。點燒味飯奉送咖啡或茶，轉凍飲+$3。