星海薈 (利舞臺廣場)

Open Now

Now Closed

銅鑼灣利舞臺上面有好多食肆，今次同屋企人黎到星海薈 · 譽宴食晚餐！搭𨋢一上到黎就見到條長樓梯加水晶燈，如果婚宴係度影相都幾靚。鐵板白胡椒煎焗澳洲龍蝦 $598鐵板熱辣辣，未食已經聞到好香白胡椒味，龍蝦肉掛滿白胡椒芡汁，龍蝦肉結實，已經稍微起左肉，食落好方便。晚市孖寶C - 脆皮燒腩仔 + 清蒸龍躉班 $338燒腩仔肥瘦參半，豬皮燒到好脆，龍躉都幾大條，蒸到剛剛熟，肉質鮮甜嫩滑，唔錯！星海薈小炒皇 $128小炒皇好有鍋氣，有多款海鮮海味 - 蝦仁，魷魚，魚乾，蝦乾… 好豐富！雪梨無花果花膠燉湯 $68燉湯好足料，雪梨同花膠都好大舊，飲落非常清甜滋潤，雞腳都燉到好淋好入味，好好飲！