意八餐廳 (Closed)

晏就2:30已經好多街坊攞定籌等食3點先開始入席既下午茶餐，羊群效應下我同朋友都想試下。我叫左個柚子雞翼+pizza餐，連熱飲係$28，+$7有特飲，揀左玄米抹茶啫喱冰。食物好快上檯，但實在O嘴說好既一件pizza原來只得四分之一塊囉，就連伴碟既車厘茄拼埋連半粒都無呀份量實在少得可憐。雞翼味道還算ok，有少少柚子味，少量芝麻灑面夠香口，但雞翼同pizza都唔夠熱，pizza仔同便利店買既無分別，一d誠意都無 呢個餐係搵笨之選。特飲有半杯冰粒夠消暑，極少抹茶及玄米味，沒有粒粒玄米只有勁多啫喱，幸好甜味適中。至於朋友揀既焗豬扒飯係正常下午茶既份量，熱辣辣焗出黎，有勁多芝士鋪面，豬扒夠腍夠入味。