Video
Read full review
2017-07-11
189 views
泰國菜真係全香港每一區都有咁滯，銅鑼灣呢個美食天堂區域當然唔例外，今日就來試試呢間拳王泰國菜館睇吓同平時嘅泰國菜館有咩唔同先👊🏿🙏除咗見到啲餐牌之內，一入嚟坐低，侍應就會送一碟泰式蝦片俾你，可以當小食，或者前菜嚟食，一邊睇餐牌一邊食🙈不過唔好以為佢係免費，都值＄10架😗而要特別講講嘅係，明明呢間叫拳王泰國菜館，但係點解會有上面呢d原燒道場嘅餐牌呢？😧原來係餐廳老闆同時最近啱啱亦都做埋食串燒嘅生意😀餐廳又名: 原燒道場，正正就係喺泰國餐廳樓上，所以亦都歡迎客人食泰國菜嘅同時，亦都叫埋串燒黎食😊眼見佢啲燒物定價都唔算貴，屬正常價位，例如雞皮一串＄25 ,羊肉串 $28 等等。不過因為小編同友人一心諗住嚟食泰國嘢，所以就唔識佢呢啲燒物了😬落咗order之後，第一樣先來嘅就係飲品，包括左邊嘅青檸梳打 $38 ,同埋右邊嘅西瓜沙冰，都係＄38 👍🏿兩杯嘅味道都唔錯，同樣唔會太甜呀，食泰國菜呢啲有少少辣嘅菜式就啱晒啦！第一道菜先來嘅係，肉碎生菜包， ＄98。呢個生菜包嘅份量都幾多，其實適合三至四個人食用，小編當晚兩個人食，其實會覺得比較多，不過如果擬第一道菜來講，因為辣辣地，其實幾開胃，生菜又夠新
泰國菜真係全香港每一區都有咁滯，銅鑼灣呢個美食天堂區域當然唔例外，今日就來試試呢間拳王泰國菜館睇吓同平時嘅泰國菜館有咩唔同先👊🏿🙏
除咗見到啲餐牌之內，一入嚟坐低，侍應就會送一碟泰式蝦片俾你，可以當小食，或者前菜嚟食，一邊睇餐牌一邊食🙈不過唔好以為佢係免費，都值＄10架😗
而要特別講講嘅係，明明呢間叫拳王泰國菜館，但係點解會有上面呢d原燒道場嘅餐牌呢？😧原來係餐廳老闆同時最近啱啱亦都做埋食串燒嘅生意😀餐廳又名: 原燒道場，正正就係喺泰國餐廳樓上，所以亦都歡迎客人食泰國菜嘅同時，亦都叫埋串燒黎食😊
眼見佢啲燒物定價都唔算貴，屬正常價位，例如雞皮一串＄25 ,羊肉串 $28 等等。
不過因為小編同友人一心諗住嚟食泰國嘢，所以就唔識佢呢啲燒物了😬
落咗order之後，第一樣先來嘅就係飲品，包括左邊嘅青檸梳打 $38 ,同埋右邊嘅西瓜沙冰，都係＄38 👍🏿兩杯嘅味道都唔錯，同樣唔會太甜呀，食泰國菜呢啲有少少辣嘅菜式就啱晒啦！
第一道菜先來嘅係，肉碎生菜包， ＄98。呢個生菜包嘅份量都幾多，其實適合三至四個人食用，小編當晚兩個人食，其實會覺得比較多，不過如果擬第一道菜來講，因為辣辣地，其實幾開胃，生菜又夠新鮮👍🏿結果都係食得晒嘅🙈
第二樣嚟嘅就係菠蘿炒飯，價值＄138。呢個菠蘿炒飯比起出面泰國餐廳嘅，價錢相對貴少少，主要原因係因為佢用原隻菠蘿，再加上海鮮配料，所以比較貴👌🏿味道方面，其實唔錯，因為除咗菠蘿飯本身嘅味道，再加上海鮮都有醬汁配合，加埋大量嘅肉鬆，好好食😋
食泰國菜，又鍾意酸辣既話，又點可以叫冬陰公呢，呢一個係細size嘅冬陰公湯，價值＄138。
呢個size其實都係足夠三至四個人食用，當晚小編只係得兩人，所以份量其實真係太多。不過大家可以見到佢湯入面，其實都有好足既配料。最先起碼大家可以見到有一隻大蝦！另外仲有青口，蘑菇等等🙈🍤真係唔知點停手唔食~
總括而言，呢間係一間唔錯嘅泰國餐廳，食物質素都幾高，價錢中上，服務態度都唔錯，侍應主要亦以泰國人為主，不過可以聽得明廣東話嘅👍🏿
但餐廳座位唔算多，而張櫈嘅設計亦都幾得意，櫈背比較直，所以個人都坐得比較直😂😂另外需要讚一讚嘅係，店員亦都好細心咁拎一張櫈俾我哋放物品，甚至係放一個櫈套係上面，以免比醬汁整污糟😀👏🏿👏🏿
大家有機會嘅話都去試吓啦！
Post
