汕頭牛肉火鍋

Open Now

Now Closed

父親節想一家人食飯，但係好多地方都full booking，無意中係openrice搵到呢間火鍋店，所以決定試下。雖然食過好多唔同種類嘅邊爐，但係潮汕火鍋真係第一次試。入到間店，有poster介紹唔同牛部位嘅名稱，都有介紹邊個部位應該煮幾耐，呢點我覺得做得幾好嘅。咁食潮汕火鍋，當然係以牛為主，問咗店員食邊種牛肉比較好，佢推薦吊龍，所以決定試下。的確，個店員無介紹錯，吊龍係今次order嘅3種牛肉入面最好味嘅，俾到人嫩同入口即溶嘅感覺。其次係雪花都ok，滑滑地，不過匙仁麻麻，容易老。之後仲order咗牛筋丸、魚皮餃、蝦丸同埋墨魚滑。墨魚滑鮮嫩，值得一試。