Video
Read full review
2017-09-06
130 views
之前朋友食過覺得唔錯，所以邀請我同佢再食，見佢誠意拳拳邀請我去，就一齊去打邊爐啦！老實說，我覺得金撈既位置有D僻，平時都好少去佐敦渡船街一帶，好彩有google map帶路呀 先揀選岩自己口味既調味料，結帳時先知原來醬料費要$20一位，有D貴呢！佢既火鍋菜單好豐富，未諗食好咩，朋友已經話一定要揀佢個老鴨湯湯底。我地2個人點一隻老鴨好似太多，我地都係揀左半隻老鴨湯底就好了！金撈老鴨湯(半隻) $148 半隻老鴨份量原來都幾多，而且都有幾多肉。未打邊爐前，我地都飲左幾碗老鴨湯，同鴨肉。老鴨湯清甜，感覺好似冇落味精。見餐牌介紹佢地既老鴨湯燉煮超過兩小時，有滋補既功效，清熱生津，估唔到個湯底咁勁先>_< 雙併滑 $88揀左花枝滑同鮮蝦滑，手打滑上面仲有D魚子，即刻升左級，睇落冇咁普通～～ 味道方面，覺得2款手打滑都幾出色，彈牙爽口，鮮味足，蝦滑入面仲有D蝦粒，但份量真係少左D～～ 自家製水餃 $58 水餃係朋友既最愛!食得出係自己包，餡料都幾豐富！ 美國桶蠔 $138一共有6隻桶蠔，味道新鮮而且唔腥，體積幾大，碌完都唔會縮到好細，見住朋友食到好滋味～～ 鹿兒島
先揀選岩自己口味既調味料，結帳時先知原來醬料費要$20一位，有D貴呢！佢既火鍋菜單好豐富，未諗食好咩，朋友已經話一定要揀佢個老鴨湯湯底。我地2個人點一隻老鴨好似太多，我地都係揀左半隻老鴨湯底就好了！
金撈老鴨湯(半隻) $148
半隻老鴨份量原來都幾多，而且都有幾多肉。未打邊爐前，我地都飲左幾碗老鴨湯，同鴨肉。老鴨湯清甜，感覺好似冇落味精。見餐牌介紹佢地既老鴨湯燉煮超過兩小時，有滋補既功效，清熱生津，估唔到個湯底咁勁先>_<
雙併滑 $88
揀左花枝滑同鮮蝦滑，手打滑上面仲有D魚子，即刻升左級，睇落冇咁普通～～
味道方面，覺得2款手打滑都幾出色，彈牙爽口，鮮味足，蝦滑入面仲有D蝦粒，但份量真係少左D～～
自家製水餃 $58
水餃係朋友既最愛!食得出係自己包，餡料都幾豐富！美國桶蠔 $138
一共有6隻桶蠔，味道新鮮而且唔腥，體積幾大，碌完都唔會縮到好細，見住朋友食到好滋味～～
鹿兒島黑豚腩肉 $108
個人覺得幾值得推薦，唔記得係有6/7塊豚肉，色澤新鮮，而且佢既豬味幾濃郁！每一塊都幾厚架，唔係薄切。
一片＝平時兩片既豬肉片
雜菇 $48
雜菇有冬菇、金菇同雞脾菇，索晒D老鴨湯食就最正喇!檸檬薏米水 $48
比平時既薏米水更加清水，因為有陣檸檬香！
餐牌
Post
