Video
Read full review
2022-10-09
1399 views
呢日同爸爸晏晝食lunch，喺元朗買完嘢順便就嚟到呢一間朗屏站附近嘅「木玥巷」，木系裝修，座位都寬敞，店員態度友善親切☺️*紅燒牛肉麵 $72*牛展超厚，3大塊，入口軟腍，仲有大大舊、無渣嘅紅蘿蔔&白蘿蔔，湯底唔係味精嘅死咸味，少少鮮甜味，仲有一小碗酸菜，似十足係台灣食牛肉麵。面底係小粗身，軟硬度適中*干貝醬海鮮炒飯 $94*呢個炒飯嘅價錢雖然小貴，但係蝦粒、帶子粒都算多，仲有菜粒增加口感。炒飯夠乾身、粒粒分明，有鑊氣！*澎湖花枝蝦餅 $38*比一般嘅炸蝦餅好食，入面除咗有蝦滑之外，仲有粒粒有咬口嘅花枝*金沙宇治抹茶奶泡 +$28*奶味比較重，但係又唔算太甜，面頭仲有忌廉，同一粒金沙*招牌水果茶 +$32*勁大杯，西柚味好fresh，我鐘意呢杯多啲，感覺抵飲好多😍
*紅燒牛肉麵 $72*
牛展超厚，3大塊，入口軟腍，仲有大大舊、無渣嘅紅蘿蔔&白蘿蔔，湯底唔係味精嘅死咸味，少少鮮甜味，仲有一小碗酸菜，似十足係台灣食牛肉麵。面底係小粗身，軟硬度適中
*干貝醬海鮮炒飯 $94*
呢個炒飯嘅價錢雖然小貴，但係蝦粒、帶子粒都算多，仲有菜粒增加口感。炒飯夠乾身、粒粒分明，有鑊氣！
*澎湖花枝蝦餅 $38*
比一般嘅炸蝦餅好食，入面除咗有蝦滑之外，仲有粒粒有咬口嘅花枝
*金沙宇治抹茶奶泡 +$28*
奶味比較重，但係又唔算太甜，面頭仲有忌廉，同一粒金沙
*招牌水果茶 +$32*
勁大杯，西柚味好fresh，我鐘意呢杯多啲，感覺抵飲好多😍
Post
