Video
Read full review
2021-09-29
601 views
同事約我放工食飯，我哋沿住長沙灣道向太子方向行，去咗幫襯一間坐巴士成日經過見到嘅餐廳「Project B」。其實我想食呢間餐廳好耐，但奈何天氣太熱，中午行過嚟真係會中暑呢，依晚機會終於嚟喇，飛雲😆！餐廳環境唔錯，裝修簡約舒服，冷氣充足，門口嘅高枱位更加係打卡一流嘅位置🤳。如果天氣涼啲，坐出去飲返杯，簡直係Chill到爆。呢度主打西餐菜式🍽，選擇繁多，定價合理，而佢嘅精選套餐更加係震撼價：$238二人餐以及$398四人餐。今時今日食個意粉分分鐘都要兩嚿水，而家有成兩個主菜，去邊度搵？是日餐湯係粟米忌廉湯，湯嘅味道唔算好突出，不過食到唔少粟米粒🌽，而且最重要係夠熱。加拿大豬鞍配蜜糖芥末籽汁(單點$158)，🐷豬鞍扒味道出色，肉扒夠厚夠大件，食落有口感，加上肉質亦都唔嚡。豬鞍配蜜糖芥末籽汁食勁夾🍯，而且伴菜都係甜甜的，好搭調。伴菜方面，薯仔並非普通煎煮，佢係同蘋果及洋蔥煙肉一齊醃香，炆到稔稔的。隔離仲有羽衣甘藍，估唔到整熟咗幾好食，少咗浸臭青味。最後，不得不提廚師嘅用心擺盤，佢將車厘茄放上黃青瓜度，就好似一個鹹蛋黃咁☀️，好得意。炸軟殼蟹南瓜忌廉意粉(單點價$98)，意粉帶俾人一種好澎湃嘅感覺
同事約我放工食飯，我哋沿住長沙灣道向太子方向行，去咗幫襯一間坐巴士成日經過見到嘅餐廳「Project B」。其實我想食呢間餐廳好耐，但奈何天氣太熱，中午行過嚟真係會中暑呢，依晚機會終於嚟喇，飛雲😆！
餐廳環境唔錯，裝修簡約舒服，冷氣充足，門口嘅高枱位更加係打卡一流嘅位置🤳。如果天氣涼啲，坐出去飲返杯，簡直係Chill到爆。
呢度主打西餐菜式🍽，選擇繁多，定價合理，而佢嘅精選套餐更加係震撼價：$238二人餐以及$398四人餐。今時今日食個意粉分分鐘都要兩嚿水，而家有成兩個主菜，去邊度搵？
是日餐湯係粟米忌廉湯，湯嘅味道唔算好突出，不過食到唔少粟米粒🌽，而且最重要係夠熱。
加拿大豬鞍配蜜糖芥末籽汁
$158
6 views
0 likes
0 comments
加拿大豬鞍配蜜糖芥末籽汁(單點$158)，🐷豬鞍扒味道出色，肉扒夠厚夠大件，食落有口感，加上肉質亦都唔嚡。豬鞍配蜜糖芥末籽汁食勁夾🍯，而且伴菜都係甜甜的，好搭調。伴菜方面，薯仔並非普通煎煮，佢係同蘋果及洋蔥煙肉一齊醃香，炆到稔稔的。隔離仲有羽衣甘藍，估唔到整熟咗幾好食，少咗浸臭青味。最後，不得不提廚師嘅用心擺盤，佢將車厘茄放上黃青瓜度，就好似一個鹹蛋黃咁☀️，好得意。
炸軟殼蟹南瓜忌廉意粉
$98
13 views
0 likes
0 comments
炸軟殼蟹南瓜忌廉意粉(單點價$98)，意粉帶俾人一種好澎湃嘅感覺🍝，皆因意粉面頭有一大隻「怪物」。其實呢隻怪物係炸軟殼蟹🦀，但個樣同平日唔同，大嚿好多，應該係因為個炸法不一樣。佢採用英式炸魚嘅方式油炸，即係炸衣層較厚，上粉較多，食落會飽肚啲，但酥脆度就差少少。另外，意粉都煮得好有誠意，每條掛滿南瓜汁🎃，並加入大量配料，如洋蔥、三色椒同菇等，但如果麵質再彈牙啲就更佳。
墨西哥香草牛柳絲卷餅
$68
12 views
0 likes
0 comments
Project B
10 views
0 likes
0 comments
總括嚟講，呢間餐廳值得推介，味道雖然唔稱得上好驚艷，不過整個用餐過程令人滿意👍，亦絕對係性價比高之選。再者，呢度調嘅特飲好正，就算唔食嘢，齋嚟飲返杯都係開心嘅😛。
Post
