Castle Cafe (Closed)

荔枝角有好多工業大廈，今日同朋友 喺 D2 Place睇完戲行番出黎大街搵食，行行下經過紗廠工業大廈，見到一間叫「Castle Cafe」嘅餐廳就入去試下。我係常餐怪，因為「貪心」，鍾意食通粉又鍾意食包，一個常餐就可以一次過滿足我兩個願望。嗌左個常餐。粟米火腿蕃茄濃湯可選配意粉/螺絲粉/通粉/米粉。我揀左通粉。火腿通粉熱到辣嘴！份量多，一個人食唔曬🙈。再喺以下四樣揀一樣：香煎豬扒/美式雞扒/脆香雞翼/煙三文魚。我揀左煙三文魚。另外喺以下三樣揀一樣：牛油多士/牛角酥/奶油脆豬。我揀左奶油脆豬。奶油脆豬不錯👍🏻！脆得黎唔會硬唔乾身，重好軟熟～👍🏻常餐配餐湯或熱飲。今次嗌左杯熱即磨齋啡☕️。啡香飄逸，不禁大吸特吸，聞完立即精神抖擻！睇睇餐廳原來午餐日日嘅菜式都唔同。我星期六去幫襯就睇番星期六果欄，嗌左「薄燒雙倍紐西蘭西冷牛扒蒜蓉汁」。可選配飯/意粉/螺絲粉/薯條。我揀左意粉🍝。塊扒好大塊，超足料！意粉份量已經夠多，塊牛扒重要大到差唔多遮晒成個意粉！倒埋蒜蓉汁落意粉度一齊食，為意粉添上水份，食落唔會乾，更易入口。午餐配餐湯或熱飲，揀左餐湯——羅宋湯。酸酸地好開胃🤤。同朋友吹下水坐坐下又2:30p