Video
Read full review
2021-07-12
669 views
朋友生日話想打邊爐，於是訂左快樂小羊烚下烚下慶祝。提早訂位仲有75折優惠同湯底免費。荃灣店新開張，裝修新淨，環境闊落，（廁所乾淨，任食店冇得比），美中不足既係卡位座位同枱之間太窄，入座有點逼。每枱會有一壺花茶。湯底揀左成雙鍋（蕃茄拼麻辣湯底），蕃茄湯味似羅宋湯，麻辣湯只有小辣冇麻，味道似某牌公仔麵味。包克圖牛羊涮一上枱就好震撼，非常大既一盤肉，佔左枱面三分一位置，霸氣十足！牛羊涮顧名思義係牛肉同羊肉雙拼，牛肉雖然油脂唔多，但唔會軔，而且因為厚切關係，仲幾爽口羊肉就較薄，肉質冇快樂卷咁彈牙，但肉味濃，有羊膻味。擺盤好有心思，將牛羊肉拼切成心形，仲有幾朵玫瑰花，打咭一流。塔拉上的快樂卷每片肉都薄如蟬翼，一滾即熟，肉質軟冧帶點彈牙，不過略嫌肉切得太薄，烚下烚下好容易唔見左，一啖要食2-3片先滿足。里脊肉係羊肉，質感類似滑牛，非常嫩滑，冇筋，但肉味相對淡，用冰球裝住，好精緻。蒙式羊小排與圖片唔同，雖然全部都係肋排，但並唔係一支支骨咁上碟，而係一件件好似雞排咁樣，有孜然粉同辣粉調味，羊肉好軔，咬唔開，𡁻到牙鉸軟，好伏！手工滑三拼集蝦滑、墨魚滑和羊肉滑於一碟，可以一次過試曬所有口味。羊肉滑味道最突
荃灣店新開張，裝修新淨，環境闊落，（廁所乾淨，任食店冇得比），美中不足既係卡位座位同枱之間太窄，入座有點逼。
每枱會有一壺花茶。
湯底揀左成雙鍋（蕃茄拼麻辣湯底），蕃茄湯味似羅宋湯，麻辣湯只有小辣冇麻，味道似某牌公仔麵味。
牛羊涮
7 views
1 likes
0 comments
包克圖牛羊涮
一上枱就好震撼，非常大既一盤肉，佔左枱面三分一位置，霸氣十足！
牛羊涮顧名思義係牛肉同羊肉雙拼，牛肉雖然油脂唔多，但唔會軔，而且因為厚切關係，仲幾爽口
羊肉就較薄，肉質冇快樂卷咁彈牙，但肉味濃，有羊膻味。
擺盤好有心思，將牛羊肉拼切成心形，仲有幾朵玫瑰花，打咭一流。
快樂卷
4 views
0 likes
0 comments
塔拉上的快樂卷
每片肉都薄如蟬翼，一滾即熟，肉質軟冧帶點彈牙，不過略嫌肉切得太薄，烚下烚下好容易唔見左，一啖要食2-3片先滿足。
里脊肉
11 views
0 likes
0 comments
里脊肉
係羊肉，質感類似滑牛，非常嫩滑，冇筋，但肉味相對淡，用冰球裝住，好精緻。
羊小排
6 views
0 likes
0 comments
蒙式羊小排
與圖片唔同，雖然全部都係肋排，但並唔係一支支骨咁上碟，而係一件件好似雞排咁樣，有孜然粉同辣粉調味，羊肉好軔，咬唔開，𡁻到牙鉸軟，好伏！
滑三拼
9 views
0 likes
0 comments
手工滑三拼
集蝦滑、墨魚滑和羊肉滑於一碟，可以一次過試曬所有口味。
羊肉滑味道最突出，其他兩款味道偏淡，彈牙度一般，建議唔好分得太細粒，影響口感。
毛肚
12 views
0 likes
0 comments
脆爽鮮毛肚
與街市買既牛柏葉一樣，有陣異味，用麻辣湯烚都僻唔到，滾完最厚果個位會軔，性價比低，唔推薦。
鴨血
好嫩滑，一夾即散，入口即融，冇腥味，好似食緊豆腐花咁。
炸豆卷（響鈴）
同圖片唔一樣，呢個好似自家製咁，卷既圈數較少，層次冇咁豐富，吸湯汁能力低，但味道都唔錯。
杏鮑菇
3 views
0 likes
0 comments
杏鮑菇（半份）
第一次見杏鮑菇切到咁薄片，但口感出奇地好，非常爽脆，又唔會有草青味，推薦
土豆粉
7 views
0 likes
0 comments
自製土豆粉（半份）
土豆粉煮熟呈透明狀，食落滑捋捋，煙煙軔軔，口感一流，吸收埋湯汁既味道，必食！
半份只有廖廖幾條，忍唔住叫多左幾份。
皇帝菜（半份）
洗得幾乾淨，份量合理。
總體而言：
味道：有驚又有喜
性價比：價錢同份量成比例，合理
服務：一般，其中一名侍應黑面又十問九唔應，此服務態度同餐廳的定位唔相符。
環境：裝修新淨舒適
Post
