Video
Read full review
2020-06-29
597 views
假日去左深水涉行街，點知落左一日雨。正值晚餐時間，於是決定係西九龍附近覓食，途經─檸檬冰室，見到店內裝修鮮黃色，感覺明亮乾淨，最重要既係：窗邊食客竟然飲緊一杯巨量裝華田，被深深吸引，立即推門而入。冰室有晚飯套餐提供，包例湯.飲品.白飯，價錢合理。店內有提供口罩袋，員工待客亦有禮貌。彩椒薯仔牛柳粒煲配白飯（$78)味道一般，見到有黑椒，但冇其香味，整體比較油膩；但勝在份量大，用料豐富，牛柳粒頗多，薯仔軟冧。6分華田紅豆冰 (跟餐+$8)份量超級大，差不多等於2杯凍飲。華田同花奶味香濃，配搭少量紅豆粒，甜度可以，口感幼滑似奶昔。不過飲左半杯有d 漏，建議可以2個人分享。9分黑椒汁西冷牛扒煎帆立貝配肉醬意粉 ($78)一塊急凍茶記牛扒配1粒乾乾硬硬帆立貝，唔算得上好食，但套餐包例湯，意粉及飲品，都算對得住個價錢。5分鮮磨蛋白杏仁茶 (跟餐+$8)杏仁茶只有熱飲選擇，剛上枱既時候好熱，帶有d 滾，隱約見到蛋白係杯中。熱空氣中彌漫住好香既杏仁味，但入口比想像中清淡，甜度偏淡，口感唔似杏霜咁杰，更似新鮮椰汁既水狀。蛋白滑捋捋，鍾意杏仁味既朋友值得試下！ 8分例湯中湯：冬瓜薏米煲唐排，都幾多料，中中
正值晚餐時間，於是決定係西九龍附近覓食，途經─檸檬冰室，見到店內裝修鮮黃色，感覺明亮乾淨，最重要既係：窗邊食客竟然飲緊一杯巨量裝華田，被深深吸引，立即推門而入。
冰室有晚飯套餐提供，包例湯.飲品.白飯，價錢合理。店內有提供口罩袋，員工待客亦有禮貌。
彩椒薯仔牛柳粒煲配白飯（$78)
味道一般，見到有黑椒，但冇其香味，整體比較油膩；但勝在份量大，用料豐富，牛柳粒頗多，薯仔軟冧。6分
華田紅豆冰 (跟餐+$8)
份量超級大，差不多等於2杯凍飲。華田同花奶味香濃，配搭少量紅豆粒，甜度可以，口感幼滑似奶昔。不過飲左半杯有d 漏，建議可以2個人分享。9分
黑椒汁西冷牛扒煎帆立貝配肉醬意粉 ($78)
一塊急凍茶記牛扒配1粒乾乾硬硬帆立貝，唔算得上好食，但套餐包例湯，意粉及飲品，都算對得住個價錢。5分
鮮磨蛋白杏仁茶 (跟餐+$8)
杏仁茶只有熱飲選擇，剛上枱既時候好熱，帶有d 滾，隱約見到蛋白係杯中。熱空氣中彌漫住好香既杏仁味，但入口比想像中清淡，甜度偏淡，口感唔似杏霜咁杰，更似新鮮椰汁既水狀。蛋白滑捋捋，鍾意杏仁味既朋友值得試下！ 8分
例湯
中湯：冬瓜薏米煲唐排，都幾多料，中中挺挺，當然唔好期望同屋企既老火湯比較。
西湯：羅宋湯，足料，但有d 鹹。
總體而言（5星滿分）：
味道
性價比
服務
環境
食物一般，飲品值得推薦！建議可試蒸魚，頗大條，對廚藝要求唔高。
Post
