Jean-Paul Hevin Chocolatier (Closed)

今晚又有b.day party，簡直無停過，雖然一早話左唔駛帶野去，不過我又點好意思兩手空空去到呢？由於係灣仔食飯，早D出去行下街先，諗黎諗去都係決定黎呢度買D野過去做禮物。嘩，TIMES SQUARE真係多人到爆，想迫上黎都花左唔少時間。黎到見門口有好多人喎，睇黎都好多人買野喎。望住個櫥櫃睇黎睇去，最後都係決定買MACARONS過去，因為感覺得體D，而且五顏六色好鬼靚。我總共買左 7 粒，total $140，唔算平，但最緊要好食咪得囉。我買左兩粒黑朱古力，因為佢話最唔靚。之後仲有朱古力茶，熱情果，咖啡，栗子，仲有一隻唔記得左。我自己食左粒黑朱古力，其他我都無咩食過，因為俾其他人食哂。但佢地全部都大讚好味，朱古力味極濃。我食黑朱古力都覺得真係好濃朱古力味，好香，又唔會話好甜。不過佢個外層就差D，好軟但唔太脆，而且個問題係太簿，一咬就散開哂。ANYWAY，要黎送禮始終都係MACARONS係最好既選擇。