Simplylife The East The West (Closed)

星期日俾別人放了飛機，黎到呢度揾食，可能時間還未到晚上，所以佢地服務態度真係麻麻地，四點幾就五點話得半小時俾我地食。 還有brunch set 叫左兩個，都係要左湯 湯幾濃郁，幾香滑，蕃茄湯。 配法包，就一般，較乾又較韌。 我最愛都是這杯果茶，橙味，我將橙肉篤碎，清清橙味加茶香，好清新，不錯。 炸魚柳， 炸得還好，外面十分鬆脆，內肉還帶點滑，都算新鮮，配有薯條及少許沙律配菜，買相雖然有點求其，好在個魚還ok。 另外叫左份蘑菇pizza ，都好大份，一個人食一定食唔曬，pizza夠薄身，好香既蘑菇味，帶點芝士香。 這個晚餐就這樣解決了。