沙嗲王 (樂富廣場)

Open Now

Now Closed

我成日同人講，我肥華吾係識食，而係爛食，鍾意四圍揾嘢食，近乎食物焚化爐級數，但係我有一個死穴，就係非常抗拒D吉列食品，任何標榜呢樣嘢嘅食物，無論係肉類，海鮮，蔬菜，我都敬而遠之，毫無興趣進食，11月16号細仔仔請我同靚媽到此店食晚餐，我一睇個餐牌就頭都大埋，因每樣食物相片，都係吉列食品，對我來講真係無樣啱食，最後勉為其難點咗個䓤油豬扒飯套餐俾自己，塊吉列豬扒就俾咗靚媽食，我就食䓤油，醬油撈飯，飲埋杯凍檸茶就提早走人，在此聲明，係呢間食店D出品吾啱我食，並吾係吾好食，靚媽同仔仔叫到成枱嘢，我見佢哋食得非常開心，而此店環境，侍應服務亦吾錯，價錢更親民，如果喜愛食吉列及油炸食物嘅朋友，來此店就啱晒。