南越南咖啡廳

Open Now

Now Closed

越式菜真係都有好一段時間冇食過，朋友介紹話呢間越式菜唔錯，仲要幾有新意，所以前來食下先得。今次我地食 五香豬腩伴鍋巴($48)、脆米紙薄餅($48)、招牌金邊粉($88)、南越蛋咖啡($28)、微藻檸檬薑茶($28)五香豬腩伴鍋巴：鍋巴咬落脆身，食落唔會通左風開始有D淋，再喺上面加上五香豬腩同調味醬汁，惹味得黎口感特別😋脆米紙薄餅：脆米紙食得多，但整成薄餅咁樣真係第一次試😜食之前影下相用左D時間，但食落依然脆身冇淋，而且唔油膩，幾正👍🏻配料方面有越式香腸、青瓜、蘿蔔、香料葉等，味道夠豐富好有層次😋招牌金邊粉：叫得招牌當然樣樣齊備，有牛肉片、牛面珠、牛筋、牛腱、牛肉丸、油條，中意食牛嘅朋友必定要食，因為牛味香濃之餘，肉質亦煮得夠腍，再加埋佢濃郁嘅湯底，成碗金邊粉非常之惹味，食落勁滿足🥰另外佢跟餐時仲有個醬料，將D牛肉點D醬黎食會有另一種風味😉南越蛋咖啡：呢杯咖啡出現喺MENU DESSERT嘅位置，咖啡味香，另外加左焦糖蛋，所以飲落甜甜地，的確幾似係甜品咁😆而且仲有塊餅仔(?)食下，同樣地都係甜味為主，啱晒中意甜嘅朋友仔😄微藻檸檬薑茶：呢杯飲品係好夢幻嘅藍色顏色，非常吸引🤩職員介紹先知道