陳根記

Open Now

Now Closed

話說自從係禾輋搬咗過嚟石門之後，呢一間都鬼咁多人幫襯，今日難得去到石門就一試睇下有冇變到。話說之前有啲朋友過去食完都要等好耐位，今次我哋就決定八點半後過去食。如果我哋一行到去攞飛就已經買到我哋，雖然我哋係兩個人食，目測見到都仲有好多吉枱。入到去陳根記心大心細唔知揀咩餸好， 因為好多都好想食。最尾都係揀咗呢個Wasabi手撕雞（$145）、特價烏頭（$50）同估你唔到牛柏葉（$85）。Wasabi手撕雞作為招牌菜果然都係無失望，芥辣味好勁食到標眼水，另外果兩味都中規中矩，值得留意嘅事每個星期都有一款特價菜。唯一唔好就係有加一服務費，不過同之前比而家有冷氣，所以都叫做可以接受。