壹碗麵 (Closed)

呢排公司前前後後、左左右右都喺到動土，搞到小秘書周身都唔舒服，接近地盤嘅餐廳，都可免則免去幫襯😌 因為今日大家都諗唔到去邊度食飯，破例地返去「Mian 壹碗麵」搵食🥢 小秘書 食開嘅嘢好多都無喺餐牌見到😓 同事話湯底口味都唔同哂 👉🏻👈🏻 唔通老闆將間餐廳轉咗手？ 既然入咗嚟，點都要食埋先走😄 我就叫咗個「醬油蝴蝶腩撈2cm粗麵」配羅漢果茶（指定飲品跟餐免費㗎）。咩係蝴蝶腩，咪即係「豬橫隔膜肉」囉... 哈哈 其實我都係睇餐牌先知道😅 蝴蝶腩肉質同口味都唔錯，圍邊有啲爽口又炆得夠淋，只可惜主打嘅「醬油」唔夠味，配上2cm粗麵都就更加淡口，我都係想要返以前嘅懷舊味道呀🤨