善茶 (Closed)

今日到尖沙咀食飯，食飽飽醒起善茶，於是行去望下有咩飲先。見佢出咗三款秋冬推介，由於太夜飲奶茶驚瞓唔著，所以㨂咗杯熱嘅薑蜜自家製薏米水。顧名思義自家製，姐係自己煲嘅，薑蜜會暖胃，杯飲品可以去濕。問一問店員係咪洋薏米煲架，姐姐一如既往禮貌咁答係生熟薏米一齊煲，所以中性無咁良。杯飲品到手暖暖的，入面有薏米咬下，同埋熱嘅都幾薑下。杯野無再額外加糖，所以甜度對我嚟講岩岩好。原來熱飲杯嘅插圖咁有香港特色。雖然好近k11,但要行入棉登徑先見到，總算好找。希望佢哋繼續堅持落去，將推廣本土文化嘅初心繼續傳承。香港已經唔多咁有心嘅小店，希望好嘅事情唔好消失。香港加油。