三星牛肉麵 (Closed)

呢間餐廳簡直違反左一切開餐廳的原則，就算唔開係旺區大街，都唔係開到黎呢條半山小巷嘛﹖唔係黎呢頭做野，都估唔到會有間咁既鋪，更估唔到呢度都檯檯有人，似乎有D料到咁喎。裝修又唔錯喎，果個望住班廚師係度煮麵既開放式廚設計，重有D橙色裝修咁，夠醒神。野食好味道，特別係碗牛肉麵，分分鐘係香港之冠咁滯，湯極濃，牛入味，係麵唔得，團埋一舊都有既﹖未煮得夠身。滷味豆干之類極出色，十足十足台灣味，唔知係自己整定入貨既呢，冷盤好似凍矮瓜亦都做得夠腍身，汁調得好。唔知係唔係聽錯，現場好似有個廚師係台灣人黎。不過實在太僻啦，下次再黎都唔知重係唔係度，希望佢地守到啦。