澳門丸記清湯腩王 (Moved) New Location

石門站附近有好多正嘢食🥳沙田友去食嘢真係超方便👍🏼一出石門站C出口就見到依間粉麵店～見到好多街坊捧場。▪️清湯牛腩河 $48 原來創辦人嘅祖母後生時喺澳門的十月初五街推著木頭車賣牛腩麵起家，依家清湯腩秘方已經傳到第3代👍🏼之前仲獲得過第15屆清湯腩王🏆至尊大獎。我就好鍾意佢個清湯底，好清甜完全唔油膩，唔會太濃仲可以飲返幾啖，而牛腩有牛味，河粉夠滑👍🏼▪️清湯牛筋撈麵 $56 呢度啲牛筋炆得好腍軟入味，入口黏糯😋口感豐富，分量都幾多。而白蘿蔔吸收咗湯嘅精華份外甘甜。▪️上面嘅粉麵已經包咗熱飲，如果凍飲就+＄3，配碟上湯蔬菜 （細）就+$9，街坊價錢👍🏼坐得都好舒服，而服務生態度非常好。