仙桃居

Open Now

Now Closed

本人好少野係堅持到，但響應支持黃色經濟圈必定要做到。最近如要外出食飯，肯定揀黃店食，雖然平均輪候既時間比較長，但聽到既都係人話，對保持身心健康都係有幫助。龍門冰室我就食得多，上星期去左試仙桃居既早餐，排左大概半個鐘，叫左鮮茄豬扒米線，半椰吐同台式飲品（走甜）。$52蚊一個餐，唔算平，個湯冇想像中濃，但鮮茄豬扒米線好足料，好多新鮮蕃茄好健康，豬扒好濃味，不錯。椰香多士我都推薦，面頭焗過下，好香。食左兩個餐埋單102蚊，帳單都寫上素求，餐廳仲取消左八達通付款服務，良心人士開既店，支持！