PHO 24 (Closed)

又來沙田文化博物館睇野，附近除左呢個新城市之外都唔知去邊，呢間pho24又未食過就試下啦。我地叫左一個牛筋牛腩牛肉河同一個豬扒碎米飯蛋批。個河ｄ湯係清湯，牛肉味唔夠，ｄ牛筋同牛肉都腍既，但ｄ牛腩就柴左皮。佢ｄ牛都幾多下，仲多個ｄ河，但ｄ芽菜香葉就唔夠囉。至於個飯就幾特別，豬扒係普通香茅豬扒，但ｄ飯幾香，初頭以為個蛋批係pate，但又唔係喎，好似有ｄ鹹蛋黃味，幾特別。呢間野係快餐，上菜真係好快，但有加一之餘又收茶錢，其實個ｄ咪又係茶餐廳ｄ茶，真係呃錢，收左我成７０蚊，後來睇旅遊書先知越南間正店收２４蚊咋。