德國餐廳 (博文街) (Closed)

大角咀不嬲出名多嘢食，呢條街好多酒吧，呢間鋪頭距離地鐵站有啲遠，鋪仔細細位都唔多，位置有啲窄，但係好有feel。有張長枱對住落地玻璃，可以同朋友靜靜地飲住啤酒chill，出面仲有個outdoor 位置，啱晒打卡用。我哋七點嚟到，都已經坐滿一半客人，好嘢食果然多人等位啊。叫咗個鹹蛋黃豬手（$248），出面都冇得食，試一試佢先。因為豬手比較難切，佢哋好細心已經將佢哋切到啱啱好size，唔洗食客咁難切，配菜有酸菜同埋薯仔沙律，亦都有兩隻唔同味道嘅街啦，算係好正宗嘅德國豬手呀。上面冧咗好香濃郁嘅鹹蛋黃醬，食到舔舔脷哈哈😄下次如果多啲時間嘅話會飲埋啤酒添啊😌