RuRu Tapas Restaurant (Closed)

Tapas 是西班牙飲食中重要的一部分，指正餐之前作為前菜食用的各種小吃，也通常作為下酒菜，喺大角咀想食西班牙餐，選擇確實唔算多，上星期接朋友放工，口痕想食啲小食，朋友就介紹咗呢一間《RuRu Tapas Restaurant 》。餐廳裝修富時代感，酒吧格局，適合放工摸下酒杯底，同時又食少少餐前小吃。第一碟叫咗色彩繽紛嘅《 西班牙辣椒仔》，有齊咗紅橙黃綠四隻色，顏色吸睛，燈籠椒仔一啲都唔辣，而且食落非常甜美，配合埋少少海鹽，簡單得黎又夠健康。第二個 Tapas《 西班牙炸薯仔》，薯仔粒炸得金黃酥脆，裏面係軟綿綿的薯蓉，再淋上特製嘅蒜香沙律醬同埋杏仁沙律醬，可口又美味。最後叫咗個《紅蝦意大利麵》，意大利麵嘅質感略嫌未夠 al dente，但勝在味道夠，帶有蕃茄酸同埋烤焗過紅椒嘅香，亦都微微滲出蝦膏嘅香氣。紅蝦鮮甜，肉質鮮嫩，整體嘅配搭相當不錯。放工共同朋友嚟食 tapas 飲下酒， 輕輕鬆鬆又過一日， 真寫意。