華御結

Open Now

Now Closed

今日放工好肚餓， 為食嘅我啱啱經過大圍見到開咗間新嘅飯糰舖就入去試下， 其實一直都想試好耐，但係一直都未有機會去， 咁啱今日肚餓又見到咁就去買黎食。 可能臨近收工時間啦，飯團嘅款式都唔算多，得翻幾個口味，咁除左右飯糰之外仲有沙律同埋其他嘅日本特色小食，例如： 福餅 。。。 梗係價錢就有15蚊到三十幾蚊不等， 而我今次試過飯團介紹最後15分到20蚊左右，咁今次買咗個“鰻魚飯團（16蚊）“同埋一個“ 芥末章魚飯團“（15蚊）， 雖然價錢上睇落有啲貴，但係比出面十蚊八蚊嗰啲會大舊好多，咁兩個飯糰其實正餐嚟講已經夠飽。但係佢飯團嘅質素就麻麻哋嗱，鰻魚飯團入面呢就冇乜汁，亦都冇咩味啦，咁舊魚都唔係好大舊，大概佔過飯團嘅三分一左右啦， 如果對食有要求嘅朋友呢，咁呢一個飯糰就未必符合你嘅要求啦。。。 咁至於另一個芥末章魚飯團呢， 食落就完全冇芥末嘅味道啦，而入面D章魚呢就有啲水，好似唔係咁新鮮，仲有一打開舊飯已經散曬， 係咁跌落嚟， 搞到好哩hea。 不過總括嚟講佢嘅包裝方法都好容易食， 咁但係如果大家想食到比較重口味嘅，就可能另一間連鎖店嘅壽司店會比較適合大家啦